Zəlzələ günündən ötən 7 gün ərzində "Azsığorta" tərəfindən artıq 37 sığorta ödənişi həyata keçirib. FED.az xəbər verir ki, bu barədə şirkətdən "marja"ya daxil olmuş məlumatda deyilir.
"İlk 5 ödəniş isə zəlzələdən 3 gün sonra edilmişdir. 37 ödənişdən 21-i Daşınmaz Əmlakın İcbari Sığortrası üzrə, 16-sı isə könüllü növlər üzrə edilib. Bu istiqamətdə iş davam etdirilir",- məlumatda deyilir.
Xatırladaq ki, fevralın 5-dən 6-na keçən gecə Pirqulu stansiyasından 7 km cənubda zəlzələ qeyd alınmışdır. Respublika Seysmoloji Xidmət Mərkəzinin məlumatına görə, zəlzələnin maqnitudası 5 bala yaxın olub. Müraciətlərə operativ reaksiya göstərmək və ən qısa zamanda zərərləri qiymətləndirmək məqsədilə, "Azsığorta" fevralın 7-də bu ərazidə operativ qərargah qurmuşdur. İlk gün ərzində 30-dan çox müraciət daxil olmuşdur, daha sonra isə müraciətlərin sayı 70-ə çatmışdır.
"Azsığorta" üçün bu ilk belə təcrübə deyil – şirkət 2016-cı ildə İmişli rayonunda və 2015-ci ildə Şəki rayonunda baş vermiş zəlzələlər zamanı analojı tədbirlər həyata keçirmişdir.
