Türkiyə prezidenti Rəcəb Tayyip Ərdoğan bəyan edib ki, Türkiyə TCG Anadolu yeni desant gəmisini ölçüsünə görə iki dəfə üstələyəcək yeni avidaşıyıcı gəmi inşa etməyi planlaşdırır.
“TCG Anadolu” dünyada PUA daşımaq imkanı olan ilk hərbi desant gəmisidir
FED.az xəbər verir ki, bu barədə Ərdoğan Sakaryada idman kompleksinin açılış mərasimində bildirib.
Türkiyə lideri episentri Kahramanmaraşda olan fevral zəlzələləri nəticəsində həlak olanların xatirəsini bir daha yad edib. O vurğulayıb ki, Türkiyə hökuməti fevralın 6-da dağıdıcı təbii fəlakətlər nəticəsində zərər çəkmiş türk vətəndaşlarını tək qoymayıb.
Ərdoğan xatırladıb ki, zəlzələlərdən sonra 75-ci gün fəlakət zonalarında ilk kənd evlərinin vətəndaşlara təhvil verilməsi mərasimi keçirilib. Onun sözlərinə görə, zəlzələ zonalarının sakinləri üçün ümumilikdə 650 min ədəd mənzil tikiləcək. (İnterfaks-Azərbaycan)
