Türkiyə sakinləri Türk lirəsinin ucuzlaşmasına baxmayaraq, sosial şəbəkələrdə Prezident Rəcəb Tayyib Ərdoğan hökumətinə dəstək ifadə edirlər.
Eləcə də bax: Lirənin ucuzlaşmasına görə - TÜRKİYƏDƏ ETİRAZLAR BAŞLADI
FED.az xəbər verir ki, “Twitter” platformasında “Dövləti dəstəkləyirəm” kimi tərcümə olunan “Devletimin Yanindayim” həştəqi son 24 saat ərzində sürətlə aktivləşib. 12 saatdan az müddətdə 900 minə yaxın istifadəçi sosial şəbəkədə bu heşteqlə yazı dərc edib.
"Twitter"də respublikada iqtisadi vəziyyətin pisləşməsi ilə bağlı çağırışdan istifadə edənlər də var. Belə istifadəçilər "Sokakda" (Küçədə) heşteqindən istifadə edirlər. Belə istifadəçilər üç dəfədən çox azdır - 294 min nəfər.
Ticarət məlumatları göstərir ki, Türkiyənin milli valyutası lirənin ABŞ dollarına nisbətdə məzənnəsi üçüncü gündür enişlə başlayır. Dünən və bugün Dollar 13 irəni keçib.
İlin əvvəlindən Türkiyə valyutası 70% devalvasiyaya uğrayıb. Yanvar ayında 1 dollara təxminən 7,3 lirə verilirdi.
Ötən həftə Türkiyənin Mərkəzi Bankı əsas faiz dərəcəsini 16%-dən 15%-ə endirib. Prezident Tayyib Ərdoğan faiz dərəcələrini “xalq üçün bədbəxtlik” hesab edərək, aktiv şəkildə azaldılmasının tərəfdarıdır. Mərkəzi Bank da öz növbəsində ənənəvi olaraq rəsmiləri inandırır ki, uçot dərəcəsinin aşağı salınması maliyyə göstəricilərinə mənfi təsir göstərəcək və həll yolu deyil.
Lirənin ucuzlaşması fonunda müxalifət ölkənin hazırkı rəhbərliyinin iqtisadi problemlərin öhdəsindən gələ bilməyəcəyini düşünərək növbədənkənar prezident və parlament seçkilərinin keçirilməsinin zəruriliyi məsələsini gündəmə gətirib. Ərdoğan isə erkən seçkilərin 2023-cü ildə vaxtında keçiriləcəyini deyib. (Marja)
