Bu ilin yanvar-sentyabr aylarında Sumqayıtda 4 milyard 80 milyon manat dəyərində ümumi daxili məhsul istehsal olunub.
"ÜDM-in müxtəlif sahələrində əlavə dəyər ötən ilin müvafiq dövrü ilə müqayisədə artıb"
FED.az xəbər verir ki, bu barədə Sumqayıt şəhər İcra Hakimiyyətindən bildirilib.
Məlumata görə, bu, ötən ilin eyni dövrü ilə müqayisədə 11,3 % çoxdur.
9 aylıq məhsul istehsalının 3 milyard 434,7 milyon manatlıq hissəsi sənaye sektorunun payına düşüb. Bu isə 1 il əvvələ nisbətən 11,4 % çoxdur.
Hesabat dövründə Sumqayıtda əsas kapitala 200 milyon manat vəsait qoyulub. (Report)
