İKT

"MilliÖN" terminallarında "Azercell" xidmətləri üzrə ödənişlər - Bərpa Olunub

"MilliÖN" terminallarında "Azercell" xidmətləri üzrə ödənişlər - Bərpa Olunub | FED.az
09:40 12 Noy 2020

"Komtec" şirkəti "MilliÖN" terminallarında "Azercell" mobil rabitə operatorunun xidmətləri üzrə ödənişləri bərpa edib.

Eləcə də bax: “MilliÖN” ödəniş sisteminin operatoru "Komtec" şirkəti Azərbaycan Ordusuna - 200 MİN MANAT KÖÇÜRDÜ

FED.az xəbər verir ki, bunu  şirkətin müştəri xidmətləri bölməsinin rəhbəri Ülviyyə Əfəndiyeva deyib.

Onun sözlərinə görə, abunəçilər operatorun xidmət haqlarını "MilliÖN"ün mobil əlavə və veb-səhifəsi vasitəsilə də ödəyə bilər.

Qeyd edək ki, mobil operatorun xidmətləri üzrə ödənişlər "MilliÖN" terminallarında bu ilin avqust ayında dayandırılmışdır. Tərəflər arasında aparılan danışıqlar və qarşılıqlı razılıq əldə olunacağı təqdirdə xidmətin bərpa olunacağı bildirilirdi.

Ölkənin müxtəlif regionlarında "MilliÖN" terminallarının bu seqment üzrə ən çox yayılan ödəmə vasitəsi olduğunu nəzərə alaraq, vətəndaşlar tərəfindən şirkətə xidmətin bərpası ilə bağlı çoxsaylı müraciətlər daxil olurdu.

Xatırladaq ki, hazırda ölkə üzrə "MilliÖN" ödəmə terminallarının sayı 3 minə yaxındır və bu qurğuların sayının artırılması nəzərdə tutulur.

"MilliÖN" terminallarında "Azercell" xidmətləri üzrə ödənişlər - Bərpa Olunub | FED.az"MilliÖN" terminallarında "Azercell" xidmətləri üzrə ödənişlər - Bərpa Olunub | FED.az
Banner
Banner

Digər xəbərlər