Banner

Hadisə

“Xaçmaz Yaşayış Kompleksi”ndə tikinti zamanı - 1 Nəfər Vəfat Edib

“Xaçmaz Yaşayış Kompleksi”ndə tikinti zamanı - 1 Nəfər Vəfat Edib | FED.az
12:45 21 İyun 2021

Xaçmaz rayonunda yaşayış binasının tikintisi zamanı ölüm hadisəsi baş verib.

Eləcə də bax: İş yerində ölən işçinin ailəsi nə qədər ödəniş almalıdır? - HESABLAMA, MƏBLƏĞLƏR

FED.az “Qafqazinfo”ya istinadən xəbər verir ki, Xaçmaz rayon prokurorluğundan verilən məlumata görə, iyunun 19-u saat 13 radələrində Xaçmaz rayonu ərazisində yerləşən “Xaçmaz Yaşayış Kompleksi”ndə Kamran Cəfərov təmir-tikinti işləri apararkən aldığı xəsarətlər nəticəsində ölüb.

Müəyyən edilib ki, “Kranpartner” MMC-də quraşdırıcı kimi çalışan 1994-cü il təvəllüdlü Kamran Cəfərov kranın seksiyalarının quraşdırılması işlərini apararkən krandan yıxılaraq aldığı xəsarətlərdən hadisə yerində ölüb.

Faktla bağlı Xaçmaz rayon prokurorluğunda Cinayət Məcəlləsinin 162.2-ci (əmək mühafizəsi qaydalarını pozma ehtiyatsızlıqdan insan ölümünə səbəb olduqda) maddəsi ilə cinayət işi başlanıb.

Hazırda iş üzrə istintaq davam edir.

Banner

Digər xəbərlər