Hadisə

Rəis işlədiyi şirkətdən yarım milyon oğurlayıb – MƏHKƏMƏ İŞİ

Rəis işlədiyi şirkətdən yarım milyon oğurlayıb – MƏHKƏMƏ İŞİ | FED.az
19:43 18 Yan 2019

Bu gün Bakı Ağır Cinayətlər Məhkəməsində oğurluqda təqsirləndirilən Rauf Nəbiyevin cinayət işi üzrə məhkəmənin hazırlıq iclası keçirilib.
 
FED.az-ın məlumatına görə, hakim Azər Paşayevin sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.
 
ELƏCƏ DƏ BAX: Çay evi tikmək üçün məndən 100 min manat istədi - MƏHKƏMƏ İŞİ
 
Məhkəmənin baxışı yanvarın 25-nə təyin edilib.
 
Qeyd edək ki, ötən il Sumqayıt şəhəri ərazisində yerləşən MMC-lərin birinin mühasib otağındakı seyfin qapısının naməlum şəraitdə sındırılaraq oradan 450 min manat oğurlandığı barədə Sumqayıt Şəhər Polis İdarəsinə müraciət olunub.
 
Həyata keçirilən əməliyyat-axtarış tədbiri nəticəsində qeyd edilən oğurluq hadisəsinin Sumqayıt şəhər sakini R.Nəbiyev tərəfindən törədilməsi müəyyən edilib və o, görülən zəruri tədbirlər nəticəsində saxlanılıb.
 
Araşdırma zamanı məlum olub ki, saxlanılan şəxs qeyd edilən MMC-də təhlükəsizlik üzrə növbə rəisi işləyib. Bu səbəbdən o, seyfin saxlanıldığı otağın harada yerləşməsi, həmçinin, içində nə qədər pul olması barədə məlumatlı olub.
 
R.Nəbiyev istintaqa verdiyi ifadəsində oğurluq etdiyini etiraf edib.
 
Əməliyyat tədbirlərinin davamı olaraq R.Nəbiyevin seyfdən oğurladığı pulun əksər hissəsi onun yaşadığı evdən aşkar olunaraq maddi sübut kimi götürülüb və müvafiq protokol tərtib edilərək MMC-yə qaytarılıb.

Digər xəbərlər