İran tərəfi ABŞ prezidenti Donald Trampın nüvə sazişindən çıxması ilə bağlı bəyanatına cavab verib. FED.az-ın məlumatına görə, İran prezidenti bildirib ki, Tehran nüvə sazişindən çıxmır, bu müqavilə İran və 5 ölkə arasında bağlanmış saziş kimi qüvvəsində qalır: «Bu andan etibarən Birgə Hərtərəfli Fəaliyyət Planı (müqavilənin rəsmi adı belədir) İran və 5 ölkə arasındakı sazişdir»-deyə İran prezidenti bildirib.

Eləcə də bax: Tramp İranla nüvə sazişini ləğv elədi - NEFT QALXACAQ

Xatırladaq ki, bir qədər əvvəl Tramp ABŞ-ın bu müqavilədən çıxdığını bildirmişdi. Müqavilənin digər iştirakçıları olan  Fransa, Almaniya və  Böyük Britaniya ABŞ-ın bu qərarından təəssüfləndiyini bildirmişdi.

Avropa İttifaqının diplomatiyasının rəhbəri Federika Moqerini bildirmişdi ki, İranda nüvə sazişi diplomatiyanın ən böyük nailiyyətlərindən biri idi.