Banner

Digər

Trampla görüşə gələn Kim Çen In üçün - OTEL PULU TAPILMIR

Trampla görüşə gələn Kim Çen In üçün - OTEL PULU TAPILMIR | FED.az
13:41 2 İyun 2018

Donald Trampın və Kim Çen Inın iyunun 12-nə təyin olunmuş görüşünə hazırlıq işləri aparan ABŞ nümayəndə heyəti KXDR liderinin sammit zamanı oteldə qalma pulunu ödəmək üçün yol axtarır. FED.az xəbər verir ki, The Washington Post qəzetinin yaydığı məlumata görə, KXDR tərəfi nümayəndə heyətinin “Fullerton” otelində qalma haqqının ödənilməsini xarici dövlətin öz üzərinə götürülməsini xahiş edib. Bu oteldə prezident otağının bir gecəlik qiyməti 6 min dollardan yuxarıdır.

ABŞ otelə görə pul ödəməyə hazırdır, lakin Pxenyanın bunu təhqir kimi qiymətləndirə biləcəyindən ehtiyatlanır. Odur ki, amerikanlar istəyir ki, qəbul edən tərəf kimi bu məsələni Sinqapur öz üzərinə götürsün.

Həmçinin KXDR tərəfinə təyyarə təqdim etmək variantına da baxılır. Çünki onların təyyarəsi Sinqapur kimi uzaq məsafəyə uçmaq üçün həddən çox köhnədir.

Xatırladaq ki, ABŞ Prezidenti Donald Tramp cümə günü KXDR lideri Kim Çen In ilə görüşünün iyunun 12-də Sinqapurda baş tutacağını bir daha təsdiqləyib. Bununla yanaşı, Tramp qeyd edib ki, sammit zamanı Pxenyanla heç bir sənəd imzalamaq niyyətində deyil.

 

Digər xəbərlər

Banner