Banner

Digər

Tramp: "İranla münasibətlərimizi qaydaya salmaq üçün vasitəçilər - LAZIM DEYİL"

Tramp: "İranla münasibətlərimizi qaydaya salmaq üçün vasitəçilər - LAZIM DEYİL" | FED.az
08:19 24 Sen 2019

ABŞ prezidenti Donald Tramp bildirib ki, Birləşmiş Ştatların İranla münasibətlərinin qaydaya salınması üçün vasitəçi ölkələr lazım deyil.

FED.az xəbər verir ki, bu barədə "Report" RİA "Novosti"yə istinadən xəbər verir.

Eləcə də bax: Tramp: İrana girmək - DÜNYANIN ƏN ASAN İŞİDİR

"Bizə vasitəçilər lazım deyil. İran nəsə etmək istəyir və düşünmürəm ki, bizə vasitəçi lazımdır", - deyə Tramp Nyu-Yorkda, BMT Baş Assambleyasında Misir prezidenti Əbdül Fəttah əs-Sisi ilə görüşdən əvvəl jurnalistlərə bildirib.

ABŞ prezidenti misirli həmkarını dost adlandırıb.

Tramp BMT-də onunla İranın rəhbərliyi arasında heç bir görüşün planlaşdırılmadığını təsdiqləyib. Lakin o, belə hadisələr üçün ənənəvi olaraq "baxarıq nə olacaq", - sözlərini əlavə edib.

Öz növbəsində BMT Baş Assambleyasında İran prezidenti Həsən Ruhani Britaniyanın baş naziri Boris Consonla və Fransa prezidenti Emmanuel Makronla görüşəcək. Bu barədə daha əvvəl İranın Prezident Administrasiyasından bildirilib.

Digər xəbərlər

Banner