Jurnal xatırladıb ki, 78 yaşlı iş adamı və siyasətçinin ilk səlahiyyət müddəti “rüsvayçılıq” və Kapitoliya hücumu ilə başa çatıb. Bundan başqa, Trampa qarşı bir neçə cinayət işi açılıb. Bunun fonunda Respublika Partiyası ondan üz döndərib. Lakin iş adamı daha sonra partiyanın praymerizində qalib gələrək prezidentliyə namizəd olub. Bundan əlavə, bu il iyul ayında o, sui-qəsd cəhdindən, daha sonra isə növbəti cəhddən sağ çıxıb.

Noyabrın 5-də o, prezident seçkilərində qalib gəldi və Amerika tarixində əvvəlki seçkilərdə məğlub olduqdan sonra Ağ Evə qayıdan ikinci keçmiş dövlət başçısı olub. Bundan əvvəl Demokrat Qrover Klivlend buna nail olmuşdu: 1888-ci ildə o, ikinci müddətə seçilə bilməmiş, lakin dörd il sonra qalib gəlmişdi.

İlin adamı adına  ümumilikdə on nəfərin namizədliyi irəli sürülüb. Trampdan başqa olan namizədlər:

• Co Baydenin yarışı tərk edərək Trampa uduzmasından sonra dövlət başçısı postu uğrunda mübarizəyə girən ABŞ vitse-prezidenti Kamala Harris;
• SpaceX və Tesla-nın qurucusu, ABŞ-ın yeni prezident administrasiyasında vəzifə qazanmış milyarder iş adamı İlon Mask;
• Bu il xərçəng diaqnozu qoyulan və kimyaterapiyadan keçən Uels şahzadəsi Kate Middleton;
• Aleksey Navalnının dul arvadı Yuliya Navalnaya;
• İsrailin baş naziri Benyamin Netanyahu;
• Federal Ehtiyat Sisteminin sədri Jerome Powell;
• Amerikalı komediyaçı və podkast aparıcısı Co Roqan;
• Meksika tarixində ilk qadın prezident, Claudia Sheinbaum;
• Meta-nın rəhbəri Mark Zukerberq.

Bunlardan Zukerberq (2010), Tramp (2016, o da seçkidə qalib gəldiyi zaman), Harris (2020; Baydenlə birlikdə) və Mask (2021) daha əvvəl ilin adamı seçilib. 2022-ci ildə titul “Ukrayna ruhu”na və ölkə prezidenti Vladimir Zelenskiyə verilib. 2023-cü ildə Time amerikalı müğənni Taylor Swift-i ilin adamı seçdi.