İran MAQATE inspektorlarının ölkənin nüvə obyektlərinin yoxlanılmasına izn verilməsi ilə bağlı müqavilə imzalamağa hazırdır.

Bunu İran Xarici İşlər naziri Məhəmməd Cavad Zərif deyib.

Onun sözlərinə görə, bu müqavilə qarşılığında ABŞ İrana qarşı sanksiyalarından imtina etməlidir: “Əgər Tramp xidmət qarşılığında xidmət istəyirsə, biz əlavə protokol təsdiqləyə, o isə tətbiq etdiyi sanksiyaları ləğv edə bilər. Sanksiyaları ləğv edin və siz əlavə protokolu 2023-cü ildən əvvəl əldə edəcəksiniz”.