Bank

Çətinliklərə baxmayaraq mənfəətdədir – BANK HESABATI

Çətinliklərə baxmayaraq mənfəətdədir – BANK HESABATI | FED.az
11:55 7 Noy 2017
"Bank Respublika ASC" 2017-ci ilin yanvar-sentyabr ayları üzrə əsas maliyyə göstəricilərini açıqlayıb.

FED.az bankın rəsmi hesabatına əsasən məlumat verir ki, bu ilin 9 ay ərzində “Bank Respublika ASC”ın faiz gəlirləri ötən ilin sonuna olan göstəriciləri ilə müqayisədə 47,5% azalaraq 23,1 mln. manat, faiz xərcləri 33,2% azalaraq 17,7 mln. manat, qeyri-faiz gəliri 36,1% azalaraq 22,4 mln. manat, qeyri-faiz xərcləri 23,1% azalaraq 23,2 mln. manat təşkil edib.

Beləliklə, “Bank Respublika” bu ilin 9 ayını 1,6 mln. manat xalis mənfəətlə başa vurub.

Cari ilin oktyabrın 1-nə bankın aktivləri 710,5 mln. manat olub ki, bu da 2016cı ilin sonu ilə müqayisədə 22,1% azdır. Bunun 218,3 mln. manatı müştərilərə verilmiş kreditlərdir. Son 9 ayda bankın kredit portfelində 18,3% azalma müşahidə olunub.

Kreditlərin 35,1%-i ticarət və xidmət sahələrinə, 34,9%-i fiziki şəxslər üçün kreditlərə,20 %-i kənd təsərrüfatına və 10%-i isə digər sahələrə ayrılıb.

Hesabat tarixinə bankın ümumi öhdəlikləri 23,8% artaraq 663,9 mln. manat təşkil edib ki, bunun da 459,1 mln. manatı müştərilərdən cəlb olunmuş depozitlərdir. Həmçinin son 9 ayda bankın depozit portfelində 16,8% azalma müşahidə olunub.

Ötən ilin sonuna olan göstərici ilə müqayisədə bankın kapitalı 15,6% artaraq 46,6 mln. manat təşkil edib.

Buna da baxın: Bu bankın da kapitalı «axsayır» - HESABAT


Digər xəbərlər