«Bank Respublika » ASC pulu nədən qazanır? 

FED.az Azərbaycanın bank sektorunun liderlərindən biri, kiçik və orta biznesin kreditləşdirilməsində aktiv banklardan olan – “Bank Respublika”nın gəlir mənbələrini təqdim edir.

"Unibank"ın biznes kredit portfeli - ARTIB

2023-ci ilin üçüncü rübünün nəticələrinə görə, “Bank Respublika”nın ümumi gəlirləri 166 milyon 258 min manat təşkil edib. Bank bu göstərici üzrə ölkənin bank sistemində 5-ci yeri tutur.

Hesabat dövründə bankın gəlirlərinin ən böyük hissəsi – 118 milyon 969 min manatı və ya bütün gəlirlərin 72%-i kredit portfelinin gəlirlərindən formalaşıb. Komissiya haqlarından isə 20 milyon 689 min manat daxil olub, bu bankın bütün gəlirlərinin 12%-i deməkdir. “Bank Respublika”nın valyuta əməliyyatlarından gəlirləri 7 milyon 787 min manat, yəni ümumi gəlirlərin 5%-i həcmində. Qiymətli kağızlar bazarına yatırımlardan isə bankın gəliri 3 milyon 834 min  manat olub, bu ümumi gəlirlərin 2%-ni təşkli edir. 9 milyondan artıq məbləği “Bank Respublika” başqa banklar və maliyyə təşkilatlarına ayırdığı depozitlərdən və kreditlərdən qazanıb. Bankın digər faiz gəlirləri isə 5 milyon 495 min manat olub.

Ümumiyyətlə, “Bank Respublika”nın ümumi gəlirlərində faiz gəlirləri 83%, qeyri-faiz gəlirləri 17% təşkil edir.Digər gəlirlərin məbləği və onun ümumi gəlirlərdəki payı aşağıdakı kimidir.