Bank Respublika fevralın 15-dən etibarən fiziki şəxslərin manat və ABŞ dolları ilə yerləşdirilən müddətli əmanətləri üzrə faiz dərəcələrini artırıb.
FED.az xəbər verir ki, bankda manatla fiziki şəxslərin əmanətlərinin maksimal faiz dərəcəsi faizlərin 12 aydan sonra çıxarıldığı təqdirdə illik 8%-dən 9 %-ə qaldırılıb. 24 ay müddətinə qoyulan əmanətlərdə faiz gəlirləri müddətin sonunda çıxarıldığı halda isə faiz dərəcəsi illik 10.5 % təşkil edəcək. Bank Respublika-da əmanətlərin yerləşdirməsinin əlavə üstünlüüyü odur ki, əmanət sahibi bankdan sərfəli şərtlərlə kredit ala bilir və Mobil və İnternet Şöbə xidmətlərindən tam pulsuz istifadə etmək imkanı qazanır. Depozit hesabını bankın istənilən filial və ya şöbəsində açdırmaq mümkündür.
Yeni faiz dərəcələri Bankın təmsil olunduğu bütün bölgələrinə aiddir. Bank Respublika AR Əmanətlərin Sığortalanması Fondunun üzvüdür. “Bank Respublika” ASC 22 may 1992-ci il tarixdə Azərbaycan Respublikası Milli Bankının lisenziyası əsasında fəaliyyətə başlamışdır və 25 ildir ki, “SizəFaydalı” şüarına sadiq qalaraq, effektiv maliyyə xidmətləri göstərir. Bankın səhmdarları sırasında Almaniyanın iki tanınmış maliyyə institutu təmsil olunur – KfW (Almaniyanın Dövlət Bankı) bank qrupunun üzvü DEG İnvestisiya Şirkəti və Sparkassen-Finanzgruppe maliyyə qrupunun üzvü Sparkassen International Development Trust. Əmanətlər haqqında daha ətraflı məlumat üçün bu linkə keçin.
Bank Respublika əmanət faizlərini dəyişdi
17:34
15 Fev 2018
