Bank Respublika ASC “Partnyorlarla iş şöbəsinin müdiri” vəzifəsi üzrə vakansiya elan edir.
Artıq 27 il ərzində Bank Respublika “Sizə Faydalı” prinsipinə sadiq qalaraq 27 filial və şöbə şəbəkəsi ilə Bakı, Abşeron və regionlarda öz müştərilərinə yüksək xidmət və faydalı bank məhsulları təqdim edir. Universal bank olmaqla fəaliyyətimizin hər bir sahəsində peşəkar və əzmkar mütəxəssislərlə təmsil olunuruq. Bu illər ərzində müştərilər tərəfindən qazanılan inam ilə qürur duyuruq və əməkdaşlarımızı bankın əsas kapitalı hesab edirik. Bankımızın illər ərzində əldə olunan təcrübə və uğurlarına şərik olmaq və yeni nailiyyətlərimizə öz imzasını atmaq istəyən nəticəyönümlü şəxsləri komandamıza dəvət edirik.
Ümumi vəzifə öhdəlikləri:
• Satış kanallarının inkişafı üzrə partnyorların cəlb edilməsi, əməkdaşlığın yaradılması və dəstəyi;
• Partnyor şirkətlərlə dövriyyəni artırmaq məqsədi ilə mütəmadi olaraq kütləvi və partnyor kampaniyaların keçirilməsi;
• Bazar və rəqib analizlərinin aparılması və bu analizlər əsasında qiymətləndirmə təkliflərinin verilməsi;
• Loyallıq proqramlarının inkişafı üçün yeni təkliflərin hazırlanması və təqdim edilməsi;
• Bankın partnyor şirkətləri üzrə güzəştli tariflər və təkliflərin hazırlanması;
• Ödəniş sistemləri və rəqəmsal məhsulların inkişafı üzrə yeni təkliflərin hazırlanması və layihələrin aparılması;
• Müştərilərlə biznes görüşlərinin aparılması;
• Partnyorların işinin təhlili və mütəmadi monitorinqinə nəzarət;
• Partnyor şirkətlərdə təqdimatların və görüşlərin keçirilməsi;
• Partnyorlardan daxil olan məlumatlara operativ həllinin həyata keçirilməsi;
• Şöbə daxilində iş bölünməsinin təmin olunması və funksional işə nəzarət;
Namizədə qarşı tələblər:
• Ali təhsil (maliyyə, iqtisadiyyat və biznesin idarəedilməsi üzrə təhsil arzuolunandır);
• İş təcrübəsi: ödəniş sistemləri, rəqəmsal məhsulların inkişafı və ya partnyor satış kanalları üzrə təcrübənin olması;
• Dil bilikləri: Azərbaycan dili (əla); Rus dili (əla), İngilis dili arzuolunandır;
• Komputer bilikləri; Microsoft Office Programs (Word,Excel);
• İdarəetmə və liderlik keyfiyyətləri;
• Məlumatlar əsasında təhlil etmə və düzgün qərar vermə;
• Müxtəlif düşüncə və dünya görüşünə malik insanlarla yazılı və şifahi ünsiyyət qurmaq bacarığı;
• Fikrini dəqiq, dolğun və özünə əminliklə təqdim etmə;
• Ünsiyyət tərzi ilə insanları cəlb etmə və inandırmaq bacarığı;
• Satış bacarıqları;
• Komandanın bir üzvü olmaq üçün, yeni iş mühitinə və kollektivə tez uyğunlaşma.
Sizə nə təklif edirik?
• Öz bilik və bacarıqlarınızı nümayiş etdirmək üçün şəffaf seçim prosesi;
• Müvəffəqiyyətli karyera üçün Sizə lazım olacaq fərdi və peşəkar bacarıqlarınızı inkişaf etdirmək imkanı;
• Əlverişli iş mühitində çalışmaq imkanı.
Göstərilən tələblərə cavab verən namizədlər öz CV-lərini 10 noyabr 2019-cu il tarixinədək [email protected] elektron ünvanına göndərə bilərlər.
Müraciət etdiyiniz vəzifənin adını email-in mövzu hissəsində “Partnyorlarla iş şöbəsinin müdiri” şəklində göstərməyiniz xahiş olunur. Əks təqdirdə belə müraciətlilərin namizədliyinə baxılmaya bilər. Həmçinin bildirmək istərdik ki, işəqəbul prosesinin növbəti mərhələsi üçün yalnız seçilmiş namizədlərlə əlaqə saxlanılacaqdır.
