Banner

Aqrar

Daha bir “ToxumArt” - MAĞAZASI AÇILDI

Daha bir “ToxumArt” - MAĞAZASI AÇILDI | FED.az
10:51 16 Mart 2020

Kənd Təsərrüfatı Nazirliyinin tabeliyində Dövlət Toxum Fondu fermerlərin sertifikatlı toxumlara və aqrotexniki qulluq vasitələrinə olan tələbatlarını ödəmək məqsədi ilə daha bir toxum mağazasını təqdim edib.

FED.az xəbər verir ki, “ToxumArt” əmtəə nişanı altında fəaliyyət göstərən mazağa Sabirabdda açılıb. Açılış mərasimində Kənd Təsərrüfatı Nazirliyinin, “Azərbaycan Toxumçular Assosiasiyası” İctimai Birliyinin, Sabirabad, Saatlı, İmişli, Ucar, Kürdəmir rayonlarının Dövlət Aqrar İnkişaf Mərkəzlərinin (DAİM) rəsmiləri, Respublika Süni Mayalanma Mərkəzi, yerli icra hakimiyyəti orqanlarının nümayəndələri və digər qonaqlar iştirak ediblər.

“ToxumArt” mağazasında Dövlət Toxum Fondunun idxal etdiyi sertifikatlı, məhsuldar, yüksək reproduksiyalı buğda, arpa, kartof və xaşa toxumları mövcuddur. Mağazada Respublika Süni Mayalandırma Mərkəzinin istehsal etdiyi yerli və xarici buğa toxumlarının satışı həyata keçirilir. Süni mayalandırma mütəxəssisləri toxumlarla yanaşı, süni mayalandırmada istifadə olunan digər zəruri ləvazimatları əldə edə biləcəklər. Həmçinin süni mayalandırma üsulunun tətbiqi üçün nəzərdə tutulan yüksək keyfiyyətli ətlik və südlük buğa toxumlarının satışı “ToxumArt” mağazaları vasitəsilə daha da əlçatan olacaq.

Fermerlərə yerli tərəvəz toxumlarının təqdim edilməsinin əsas məqsədi ölkə fermerlərini mövcud bazar qiymətlərindən aşağı qiymətlə, sertifikatlı, müxtəlif çeşidli, yüksək keyfiyyətli, məhsuldar toxumlarla təmin etməkdir. “ToxumArt” mağazaları fermerlərə Kənd Təsərrüfatı Nazirliyi tərəfindən hazırlanan təlimatlar və aqrotexniki qulluğa dair məlumatlar təqdim edir.

Digər xəbərlər

Banner