Ukraynanın dövlət borcu oktyabrda 5 milyard dollar artaraq 103,1 milyard dollara çatıb.
FED.az xəbər verir ki, bu barədə Ukrayna Radasının iqtisadiyyat komitəsinin rəhbğəri Daniil Getmansev bildirib. «2022-ci il oktyabrın 31-nə Ukraynanın qrivna ekvivalentində dövlət borcu 3 771 milyard qrivna, xarici valyutada 103,1 milyard dollar təşkil edib. Oktyabrda qrivnada dövlət borcunun məbləği 5 milyard dollar artıb»-deyə o bildirib.
Onun sözlərinə görə, oktyabrda dövlət borcunun artmasının əsas səbəbi büdcə kəsirinin ödənilməsi üçün xarici borclanmadır. "Xüsusən, oktyabr ayında Ukrayna Aİ-dən 2 milyard avro, Avropa İnvestisiya Bankından 550 milyon avro, BVF-dən 1,3 milyard dollar, Dünya Bankından 0,5 milyard dollar yardım alıb", - deputat bildirib.
Nəticədə oktyabrın sonunda dövlət borcunun ÜDM-ə nisbəti 79,7% təşkil edib, bu ilin sonunda borc yükünün ÜDM-in 90%-i, gələn il isə 100%-ə qədər olacağı gözlənilir. Onun sözlərinə görə, 2022-ci ilin sonunda Ukrayna ÜDM-ninhəcmi 128,59 milyard dollara çatacaq.
Komitə rəhbəri hesab edir ki, dövlət borcunun ÜDM-ə nisbətdə əhəmiyyətli səviyyəsinə baxmayaraq, iqtisadiyyatın və büdcənin borc yükü nəzarətdə saxlanılır, çünki hazırda xarici borcun 60%-i güzəştli şərtlərlə - 35 illiyə alınan kreditlərdən ibarətdir.
Bundan başqa, Ukraynaya verilən qrantların və geri qaytarılmayan yardımların həcmi də artır ki, bu da cari ilin fevralından dövlət büdcəsinin kənardan maliyyələşdirilməsinin təxminən 45%-ni təşkil edir. Getmantsev ona da bildirib ki, ABŞ-la olan razılaşmayag görə, ABŞ hökuməti ilə gələn ildən başlayaraq hər ay Ukraynaya 1,5 milyard dollar əvəzsiz yardım verəcək.
