Banner

Vergilər

Azərbaycandakı şirkətlərin - SAYI AÇIQLANDI

Azərbaycandakı şirkətlərin - SAYI AÇIQLANDI | FED.az
15:56 6 Mart 2020

2020-ci ilin mart ayının 1-nə respublika üzrə 1 milyon 70 min 492 vergi ödəyicisi uçotdadır.

FED.az xəbər verir ki, onlardan 927 min 427-si və ya 86,6 faizi fiziki şəxs, 143 min 65-i və ya 13,4 faizi hüquqi şəxslər və digər təşkilatlar olub.

Eləcə də bax: Ölkədə daha 19 min nəfər - ƏMƏK MÜQAVİLƏSİNƏ KEÇİB

Vergilər Nazirliyinin məlumatına görə, 2019-cu ilin müvafiq dövrü ilə müqayisədə vergi ödəyicilərinin ümumi sayı 82 min 334 vahid artıb. Bunun 66 min 673-ü (80,9 faizi) fiziki şəxslərin, 15 min 661-i isə (19,1 faizi) hüquqi şəxslərin hesabına baş verib.

Hüquqi şəxs kimi uçotda olan vergi ödəyicilərinin sayının artması əsasən (95,9 faiz) kommersiya qurumları hesabına mümkün olub.

Qeyri-kommersiya qurumlarının sayı isə ötən ilin fevral ayı ilə müqayisədə 640 vahid artaraq 15 min 538 vahid təşkil edib.

2020-ci ilin fevral ayında 1156 kommersiya qurumu qeydiyyata alınıb. Ötən ay 827 yerli investisiyalı qurum, 329 xarici investisiyalı kommersiya qurumu qeydiyyatdan keçib.

2020-ci ilin martın 1-nə qeydiyyatda olan kommersiya qurumlarının 39 min 463-ü xidmət, 36 min 171-i ticarət sektorunda fəaliyyət göstərib.

2020-ci ilin yanvar-fevral aylarında xidmət, ticarət və nəqliyyat sektorunda fəaliyyət göstərəcək hüquqi şəxslərin qeydiyyatda xüsusi çəkisi daha yüksək olub. Belə ki, xidmət sektorunda fəaliyyət göstərən hüquqi şəxslərin sayı 2020-ci ilin əvvəli ilə müqayisədə fevralda xüsusi çəkisi 41,3 faizə çatıb. Ticarət sektorunda bu göstərici 32,1 faizə, nəqliyyatda isə 2,4 faizə çatıb.

Marja

Digər xəbərlər

Banner