Milli Məclisin deputatı İqbal Məmmədov “Relaks” istirahət və turizm mərkəzində baş verən insidentlə əlaqədar KİV-də yayılan məlumatlara aydınlıq gərtirib.
FED.az-ın xəbərinə görə, deputat bildirib ki, həmin istirahət mərkəzinin təsisçisi və rəhbəri onun qardaşı oğlu Məmmədov Çingiz Nəriman oğludur: “İstirahət mərkəzində baş vermiş insidentlə əlaqədar dərin təəssüf hissi keçrir və mərkəzin əməkdaşlarının hərəkətlərini qəti şəkildə pisləyirəm. Mənə məzuniyyətdən qayıtdıqdan sonra bu barədə məlumat verdilər. Vergilər Nazirliyi tərəfindən aparılan araşdırmalara köməklik məqsədilə yoxlama komissiyasına zəruri sənədlərin təqidm olunması təmin ediləcək.
Mərkəzin Azərbaycan Dövlət Neft Şirkətinə məxsus olması ilə bağlı KİV-də yayılan məlumatlar yalandır, heç bir hüquqi əsası yoxdur.
Ümid edirəm ki, qanun pozuntularına yol vermiş şəxslər barəsində qanunamüvafiq qərarlar qəbul ediləcək”.
