Çində fabriklərin birində nəzarətdən çıxan robot işçilərə hücum etməyə çalışıb.
Çində dünyada ilk dəfə humanoid robotlar arasında döyüşlər keçirilib
FED.az xəbər verir ki, bu barədə Daily Mail məlumat yayıb.
Hadisə ilə bağlı yayılan videogörüntülərdə, fabrikdə insanabənzər robotun nəzarətdən çıxdığı, xaotik hərəkətlər etdiyi, yaxınlıqdakı əşyaları vurub-dağıtdığı görünür.
İnternetdə geniş rezonans doğuran Çin fabriklərinin birində sənaye robotu ilə bağlı insident baş verib. Avtomatlaşdırılmış sistemin nəzarətdən çıxdığı anı təhlükəsizlik kameraları lentə alıb. Kadrlarda görünür ki, miniatür kranın üzərinə quraşdırılmış robot qəfildən nizamsız hərəkətlər etməyə başlayır, artan qüvvə ilə mexaniki manipulyatorlarını («əllərini») yelləyir.
Yaxınlıqdakı operatorlar nəzarətdən çıxan avtomobili saxlamağa cəhd etsə də, onların səyləri nəticəsiz qalıb. Hadisə zamanı robot stolun üstündən kompüter monitoru və digər əşyaları vurub dağıdır. Robot özünü asqıdan azad etməyə çalışaraq irəliləməyə başlayanda vəziyyət bir qədər də təhlükəli olub. Yalnız krana müdaxilə, nəzarətdən çıxan robotu dayandırmağa imkan verib.
Hadisə yerindən çəkilən video sosial şəbəkələrdə paylaşılıb və istifadəçilərin böyük reaksiyasına səbəb olub. Bir çox şərhçilər zarafatla hadisəni maşınların üsyanı haqqında elmi fantastika filmlərinə bənzədib, «robokalipsis»in başladığını qeyd ediblər.
