Yüksək Texnologiyalar Parkı (YTP) və Rusiyanın “Protechservice” Məhdud Məsuliyyətli Cəmiyyəti (MMC) arasında birgə əməkdaşlıq əlaqələrinin qurulmasına dair Anlaşma Memorandumu imzalanıb.
Eləcə də bax: AİŞ və “Diamed” Pirallahıda $8 milyon dəyərində dərman istehsalı zavodu - TİKƏCƏK
FED.az xəbər verir ki, Anlaşma Memorandumu YTP-nin baş direktoru, iqtisad üzrə fəlsəfə doktoru Vasif Abbasov və “Protechservice” MMC-nin baş direktoru Yevgeni Sarojinski tərəfindən imzalanıb.
Gələcək tədqiqatlar üçün əməkdaşlığın və qarşılıqlı fəaliyyətin gücləndirilməsini nəzərdə tutan sənəd maliyyə, insan, texniki və digər resurslardan səmərəli istifadə olunması, elmi-tədqiqat və innovasiyaların inkişafı, eləcə də innovativ texnologiyaların kommersiyalaşdırılmasının sürətləndirilməsi məqsədi daşıyır.
Memorandum çərçivəsində strateji əməkdaşlıq üçün qarşılıqlı razılaşmalar və təlimatların müəyyən edilməsi də nəzərdə tutulub.
Qeyd edək ki, dəqiq və texniki elmlər sahəsində tədqiqatların aparılmasında yaxından iştirak edən “Protechservice” MMC məlumat bazalarının və informasiya ehtiyatlarının yaradılması və istifadəsi, kompüter texnologiyaları sahəsində konsultativ fəaliyyət, proqram təminatının işlənilməsi ilə məşğul olur.
