2025-ci ilin birinci yarımilində Azərbaycanda depozit portfelini ən çox artıran bankların adları məlum olub.
Bankların 30 iyun 2025-ci il tarixinə olan maliyyə hesabatlarına əsasən, depozit portfelinin artım dinamikasına görə ilk sırada “AFB Bank” ASC qərarlaşıb. Bankın portfeli 103 milyon 458 min manat və ya 77,8% artıb.
İkinci yerdə “Bank of Baku” ASC gəlir – 294 milyon 58 min manat artımla 49,6%. “Bank VTB (Azərbaycan)” ASC 26 milyon 232 min manat artımla (23,0%) üçüncü olub.
Növbəti yerlərdə “Bank Respublika” ASC 81 milyon 594 min manat artımla (6,1%), “Expressbank” ASC 15 milyon 718 min manat artımla (6,0%), “Kapital Bank” ASC 499 milyon 18 min manat artımla (5,6%), “Azərbaycan Sənaye Bankı” ASC 24 milyon 784 min manat artımla (5,3%) və “PAŞA Bank” ASC 297 milyon 794 min manat artımla (4,6%) qərarlaşıb.
Siyahıda, həmçinin, “AccessBank” QSC (40 milyon 426 min manat artımla 3,9%), “Unibank KB” ASC (40 milyon 533 min manat artımla 3,4%), “Yelo Bank” ASC (19 milyon 611 min manat artımla 2,1%), “Rabitəbank” ASC (12 milyon 468 min manat artımla 1,8%), “Bank Melli İran” Bakı filialı (572 min manat artımla 1,6%), “TuranBank” ASC (5 milyon 428 min manat artımla 1,2%) və “Ziraat Bank Azərbaycan” ASC (1 milyon 57 min manat artımla 0,2%) yer alıb.
