2025-ci ildə Azərbaycanın regionlarında adambaşına düşən pərakəndə ticarət dövriyyəsində müşahidə olunan azalma dinamikası açıqlanıb.
FED.az biznes və maliyyə xəbərləri portalı xəbər verir ki, əvvəlki illə müqayisədə bir sıra rayon və şəhərlərdə əhalinin alıcılıq fəallığında geriləmə qeydə alınıb.
Təqdim olunan statistikaya əsasən, ən kəskin azalma Xocavənd rayonunda baş verib; burada adambaşına düşən ticarət dövriyyəsi 512 manatdan 461 manata enərək 51 manat, yəni 9,9 faiz azalıb.
Daşkəsən rayonunda isə göstərici 2 752 manatdan 2 666 manata düşərək 86 manat, başqa sözlə 3,1 faiz geriləyib.
Siyahıda yer alan Zərdab rayonunda da azalma müşahidə olunub; burada göstərici 1 809 manatdan 1 802 manata enərək 7 manat, yəni 0,4 faiz azalıb.
