Vətəndaşlar Laçına da şəxsi minik avtomobilləri ilə səfər edə biləcəklər.
Vətəndaşlar öz avtomobilləri ilə Laçına - GEDƏ BİLƏCƏK
FED.az xəbər verir ki, səfər aprelin 27-dən etibarən mümkün olacaq. Vətəndaşlar fərdi minik avtomobilləri ilə Şuşa və Suqovuşanla bərabər, artıq Laçın şəhərinə də gedə biləcəklər.
Səfərlərin nizamlı təşkili və sərnişinlərin təhlükəsizliyinin təmin edilməsi məqsədilə Laçına gün ərzində 300 minik avtomobilinin səfər etməsinə icazə veriləcək.
Rəsmiləşdirilən icazələrin etibarlılıq müddəti 2 gündür. Laçın şəhərinə səfər Füzulinin Alxanlı keçid məntəqəsindən daxil olmaqla "Zəfər Yolu" və Horadiz qəsəbəsindən keçməklə Cəbrayıl - Zəngilan - Qubadlı - Laçın marşrutu ilə mümkün olacaq. (Xezerxeber.az)
