2018-ci ilin iyul ayında Dmitri Pankin Qara dəniz Ticarət və İnkişaf Bankının (QTİB) yeni prezidentiolub. O, dekabrın ortalarında bankın prezidenti kimi Azərbaycana səfər etmək niyyətindədir. Səfərin proqramında Qara dənizTicarət və İnkişaf Bankının Nazirlər Şurasınıniclasında iştiraketmək və Bankın 2019-2022-ci illər üçün yeni strategiyasının müzakirəsi məqsədilə ölkə rəsmiləri ilə görüşləri planlaşdırılır. Müsahibəsində Dmitri Pankin yeni strategiya çərçivəsində Bankın region ölkələrində öz təsirinin genişlənmədirilməsini planlaşdırıb və ya planlaşdırmaması barədə söz açıb.
- Hazırda QTİB-ə bütün üzv ölkələrin hökumətləri ilə razılaşdırılacaq 2019-2022-ci illər üçün yeni strategiya hazırlayır. Bu strategiya Bankın fəaliyyətinə necə təsir göstərəcək? QTİB-nin Azərbaycana dair siyasətində mühüm dəyişikliklər gözləməyə dəyərmi? QTİB üçün hansı əsas əməkdaşlıq istiqamətləri prioritet təşkil edir?
- Azərbaycana həyata keçiriləcək səfərimin məqsədi ölkə rəhbərliyi ilə Bankın yeni strategiyasını müzakirə, ortamüddətli perspektiv üçün fəaliyyətimizdə prioritetləri müəyyən etməkdir. Səhmdarlarımıza müraciət etmək istədiyim əsas təklif – bankın layihə portfelində infrastruktur layihələrin sayının artırılmasıdır. Söhbət yol tikintisi, telekommunikasiya, energetika sektoru, təbiətin mühafizəsi, suyu təmizləmə, emal sənayesi və s. sahələrdə layihələrdən gedəcək. Əminəm ki, bu, bütövlükdə Bankın üzv ölkələri və xüsusilə də Azərbaycan iqtisadiyyatına müsbət təsir göstərəcək. Hazırda layihələrimiz əsasən özəl sektoru əhatə edir.
O cümlədən, qeyd etmək istərdim ki, mövcud olduğu regionda bankın fəaliyyətinin artırılması planlarımızda var. Bu nə deməkdir? Bank mənfəət gətirir, daxili prosedurlar hamısı işlənilib, lakin fəallıq səviyyəsi hələlik kifayət deyil. Hazırda layihə portfelimiz təqribən €1,2 mlrd. təşkil edir. Hesab edirəm ki, biz onu iki dəfə artıra bilərək, həm də bankın kapitalı eyni qaldığı halda.
- Bu yaxınlarda QTİB ilə OFID arasında birgə layihələrin reallaşdırılmasına dair saziş imzalanıb. Həmin layihələrin Azərbaycanla bağlılığı olacaqmı? Söhbət hansı layihələrdən gedə bilər?
- Söhbət xüsusilə Azərbaycan da daxil olmaqla QTİB-ə üzv ölkələrdə layihələrin birgə maliyyələşdirilməsinə dair birgə fəaliyyəti nəzərdə tutan əməkdaşlıq üzrə çərçivə sazişindən gedir. Biz OFID ilə Azərbaycanda əməkdaşlıq imkanlarını maraqla nəzərdən keçirməyə hazırıq. Bu istiqamət üzrə reallaşdırılan layihələr kimi, Türkiyədə tibb mərkəzinin tikintisinin birgə maliyyələşdirilməsini misal çəkə bilərəm.
- 2018-ci ilin yazında QTİB Azərbaycan hökuməti ilə manatla kreditlərin verilməsi məsələsini müzakirə edib. Bu məsələ ilə bağlı irəliləyiş varmı? Bu QTİB üçün əvvəlki kimi maraqlıdırmı?
- Strategiyamızın prioritetlərindən biri – Bankın üzv ölkələrinin iqtisadiyyatının kreditləşdirilməsinin, o cümlədən bondların buraxılışı yolu ilə yerli valyutada artırılmasıdır. Və, əlbəttə ki, Azərbaycanda bu istiqamətdə imkanları öyrənəcəyik. Hazırda QTİB-nin buraxdığı borc qiymətli kağızları Azərbaycan Mərkəzi Bankın əməliyyatlarında girov olaraq qəbul edilir. Bu da bizim üçün gələcəkdə manat istiqrazlarının buraxılması üçün böyük stimuldur. Qeyd etməliyəm ki, bu gün Azərbaycan bankları fəal şəkildə yerli valyuta ilə maliyyələşdirilmə axtarışındadırlar və bizim əməkdaşlar onlarla fəal danışıqlar prosesindədirlər.
- Bu günə Azərbaycanın “AccessBank”ın səhmlərinin 20%-i QTİB-yə məxsusdur. Ölkənin bank sektorunda bankınız öz iştirakını genişləndirməyi planlaşdırırmı? Azərbaycan Beynəlxalq Bankın özəlləşdirilməsi prosesində iştirak etmək QTİB-ni maraqlandırırmı?
- QTİB Azərbaycanın bank sektoru ilə əməkdaşlıq prosesinin aktivləşdirilməsi imkanlarını öyrənir. Biz “AccessBank”ın fəal səhmdarları olmuşuq və qalırıq, bankın reabilitasiya prosesini dəstəkləyirik. Azərbaycan Beynəlxalq Bankı həmçinin QTİB-nin çoxdankı tərəfdaşıdır. Qiymətli kağızlar buraxılışı sahəsində əməkdaşlığımız planlaşdırılır, lakin söhbət yaxın gələcəkdən getmir. Özəlləşdirmə barədə cavab verə bilərəm ki, hazırda bu məsələ tərəfimizdən müzakirə olunmur.
- Müsahibəyə görə minnətdarıq.
