Bu ilin yanvar-aprel aylarında Azərbaycandan xarici bazarlara 79.3 milyon ABŞ dolları dəyərində meşə fındığı ixrac edib.
Azərbaycan fındıq ixracından gəlirini 50%-ə yaxın artırıb
FED.az xəbər verir ki, bu barədə İqtisadi İslahatların Təhlili və Kommunikasiya Mərkəzi bildirir.
Dövr ərzində ixrac olunan məhsulun dəyəri ötən ilin yanvar-aprel ayları ilə müqayisədə 48,5% artıb.
Təkcə aprel ayında meşə fındığı ixracından gəlirlər 10.9 milyon dollar təşkil edib.
Xatırladaq ki, cari ilin ilk dörd ayında Azərbaycanın qeyri-neft sektoru üzrə ixracı 2025-ci ilin müvafiq dövrü ilə müqayisədə 13% artaraq 1,1 milyard ABŞ dolları təşkil edib. (Apa)
