Banner

Nəqliyyat

“Bakı Metropoliteni”nin yeni aldığı qatarların üstünlükləri - AÇIQLANIB

“Bakı Metropoliteni”nin yeni aldığı qatarların üstünlükləri - AÇIQLANIB | FED.az
12:06 11 İyun 2019

"Bakı Metropoliteni" QSC-nin Rusiyanın “Metrovaqonmaş” zavodundan aldığı 2 yeni qatarın bir sıra üstünlükləri var.

FED.az xəbər verir ki, bu barədə metronun Mətbuat xidmətinin rəhbəri Bəxtiyar Məmmədov məlumat verib.

Onun sözlərinə görə, qatarı formalaşdıran 5 vaqonun hər birinin ayrıca mühərriki var: “Adətən metro qatarlarında 2 mühərrik olur ki, onlar da baş vaqonlara quraşdırılır. Amma metronun yolları enişli-yoxuşlu olduğu üçün sifarişimizlə hər vaqona mühərrik qoyulub”.

Bundan başqa, B.Məmmədov deyib ki, yeni qatarlarda kondisioner sisteminə xüsusi diqqət yetirilib: “Tələbimizə uyğun olaraq, vaqonlardakı kondisionerlər mikroiqlim şəraitinə uyğunlaşdırılıb. Bu isə onlardan daima istifadə etməyə imkan verir. Bu kondisionerlər vaqonlarda havanı avtomatik tənzimləyə biləcək".

Digər xəbərlər

Banner