Bu gündən etibarən Bakı–Ağdam–Bakı marşrutu üzrə qatarla sərnişin daşımalarına start verib.

• Ağdama qatar bileti neçəyədir? - SATIŞA ÇIXARILDI - QİYMƏTLƏR

32 ildən sonra ilk dəfə olaraq bu gün avqustun 30-da Ağdama sərnişin qatarı yola düşüb.

Qeyd edək ki, 07:10-da yola düşən qatar Ağdama 11:53-də çatacaq. 

Qatarlar hər şənbə günü Bakıdan Ağdama və Ağdamdan Bakıya yola düşəcək. Biletlər artıq satışa çıxarılıb və sərnişinlər müxtəlif siniflər üzrə seçim edə bilərlər.

Bilet qiymətləri:

• Standard sinif: 14,30 AZN

• Standard+ sinif: 18,10 AZN. Bu sinifdə oturacaqların məsafəsi daha genişdir və sərnişinlərə əlavə olaraq bir dəfəlik su, çay, kofe və kruassan təqdim olunur.

Qeyd edək ki, 10 yaşa qədər uşaqlar üçün biletlər 50% endirimlə satılır.  

Xatırladaq ki, işğal dövrünə qədər Bakıdan Ağdama kimi sərnişin daşımaları Bakı–Xankəndi–Bakı marşrutu üzrə hərəkət edən yataq tipli qatarla həyata keçirilirdi. Qatarlar Bakı–Ağdam–Bakı istiqamətində sonuncu dəfə 1993-cü ildə hərəkət edib. Həmin vaxt qatarla Ağdama kimi 371 km olan məsafə 8 saat yarıma qət edilirdi.