Mərkəzi Bankın sədri əmanətlərlə bağlı narahatlıq doğuran iki məqamı açıqlayıb.
Manat və dollar əmanəti hansı bankda – daha sərfəlidir? – BANKLAR, ŞƏRTLƏR, SİYAHI
FED.az xəbər verir ki, Milli Məclisin bu gün keçirilən iclasında “Azərbaycan Respublikasının 2024-cü il dövlət büdcəsi haqqında” qanun layihəsinin müzakirəsində Mərkəzi Bankın sədri Taleh Kazımov əmanətlərlə bağlı narahatlıq doğuran iki məqamı açıqlayıb.
O, Mərkəzi Bankı narahat edən bir məqamı qeyd edib. Belə ki, onun sözlərinə görə, bir ilədək əmanətlərin ümumi əmanətlərdə payı 81 faiz təşkil edir. Bu isə o deməkdir ki, bizim banklarımızın uzun müddətli maraqları kifayət qədər deyil ki, aktiv biznes kreditləri versinlər.
Mərkəzi Bankın sədri ikinci narahatlıq doğuran məqamı da nəzərə çatdırıb: “30 min manatadək əmanəti olan əmanətçilərin sayı ümumi əmanətçilərin sayında 73 faiz təşkil edir. Bu o deməkdir ki, əhali daha çox 30 min manatadək əmanətlər yerləşdirir. Bu sahədə fevral ayından azalma müşahidə edirik".
Taleh Kazımov bildirib ki, ilk dəfə olaraq banklararası bazarın yaranması böyük nailiyyətdir: "AMB-nin maliyyə sabitliyi siyasəti ödənişlərin fasiləsizliyinə yönəlib. Kredit portfelimiz 9 ayda 14 % artıb. Bank sektoruna və manata inam artıb”. (Apa)
