“Kred Aqro” Bank olmayan kredit təşkilatı 2017-ci ili 923 min 955 manat xalis mənfəət ilə başa vurub. Təşkilat 2016-cı ili 3 milyon 729 min manat zərər ilə bağlamışdı.
FED.az təşkilatın hesabatına istinadən xəbər verir ki, 2016-cı illə müqayisədə “Kred Aqro”nun faiz gəliri 3 dəfəyə yaxın azalaraq 1 milyon 338 min manat təşkil edib. Təşkilat 2016-cı ildə 3 milyn 813 min manat faiz gəliri əldə etmişdi. Faiz gəlirinin azalması müştərilərə verilən kreditlərin 10 milyon 774 min manatdan 4 milyon 731 min manata düşməsilə bağlıdır.
Ötən il “Kred Aqro” ehtiyatlara 1 milyon 238 min manat ayırdığından 62,6 min manatlıq xalis faiz zərəri yaranıb. Təşkilat digər gəlirləri hesabına inzibati xərclərini bağlayıb və ili 923 min 955 manat xalis mənfəətlə bağlayıb.
31 Dekabr 2016-cı il tarixində “Kred Aqro”nun cəmi aktivləri 15 milyon 26 min manat ikən 31 Dekabr 2017-ci il tarixində 7 milyon 965 min manat təşkil edib. Beləliklə, təşkilat ötən il ərzində 2 dəfəyə yaxın kiçilib.
