Dolların əsas dünya valyutaları qarşısında ucuzlaşır. Bunun əsas səbəbi ABŞ Federal Ehtiyat Sisteminin (FED) faiz artırmağı sona çatdırmaqda olmasıdır.
Prezident manatın məzənnəsindən danışdı: "ALTI İLDİR Kİ, SABİTDİR"
FED.az xəbər verir ki, avronun dollara nisbətdə məzənnəsi əvvəlki bağlanışdakı 1,1224 dollardan 1,1243 dollara yüksəlib. Dolların yen qarşısında məzənnəsi 138,03 yendən 137,64 yenə düşüb. Dollar indeksi (ABŞ-ın ticarət tərəfdaşları olan altı ölkənin valyutalarından ibarət səbətə nisbətdə məzənnə) 0,11% azalaraq 99,66 bənd təşkil edib.
Həftənin əvvəlindən indeks 2,6% azalma göstərə, avroya nisbətdə dollar 2,4%, yen qarşısında 3,2% ucuzlaşa bilər. Bu, ABŞ valyutası üçün 2022-ci ilin noyabr ayının əvvəlindən bəri ən pis həftədir.
Dolların dəyər itirməsinin səbəbi bazarda FED-in gözlənilən iyul faiz artımından sonra artım dövrünü məhdudlaşdıra biləcəyinə dair gözləntilərdir. FED yüksək inflyasiya ilə mübarizə aparmaq üçün əsas faiz dərəcəsini ötən ildən qaldırmağa başlayıb, iyun ayında bu dərəcə illik 5-5,25% səviyyəsində saxlanılıb.
CME Group-un məlumatına görə, analitiklərin 92,4%-i bu ay FED-in uçot dərəcəsini 0,25 faiz baza bənd artıracağını düşünür. Eyni zamanda, analitiklərin 58,1%-i dekabr ayı üçün faizləri 5,25-5,5% səviyyəsində proqnozlaşdırır.
Həmçinin bazarlar cümə günü avro zonası və ABŞ üzrə statistik məlumatların açıqlanmasını gözləyirlər. Mütəxəssislərin hesablamalarına görə, may ayında avrozonanın ticarət kəsiri apreldəki 11,7 milyarda qarşı 7,6 milyard avro təşkil edib. Mütəxəssislərin proqnozuna görə, Miçiqan Universitetinin (Michigan Consumer Sentiment Index) ev təsərrüfatlarının ABŞ iqtisadiyyatına inam dərəcəsini əks etdirən istehlakçı əhval-ruhiyyəsi indeksi ilkin hesablamalara görə, iyunda 64,4 bənddən iyulda 65,5 bəndədək yüksəlib. (Marja)
