Azərbaycan və Türkiyədən Rusiyaya ərzaq yumurtalarının ixracı davam edir.
Ötən il Azərbaycanda 2,2 milyard ədədə yaxın yumurta - İSTEHSAL EDİLİB
FED.az xəbər verir ki, Rusiya Baytarlıq və Fitosanitar Nəzarəti üzrə Federal Xidmətinin (“Rosselxoznadzor”) məlumatına görə, ötən ilin sonunda Rusiya bazarının açılmasının indiyədək ölkə Azərbaycan və Türkiyədən 11,1 milyon ədəddən çox yumurta idxa edib.
6 Azərbaycan şirkəti və 21 Türkiyə şirkəti süfrə yumurtasının ixracına icazə alıb.
Ümumilikdə, Azərbaycandan Rusiyaya 5,5 milyon ədəd yumurta daxil olub: 2023-cü ilin dekabrında 1,2 milyon ədəd, 2024-cü ilin yanvarında 4,3 milyon ədəd.
Azərbaycan süfrə yumurtasının ilk partiyası 2023-cü il dekabrın 19-da Yaraq-Kazmalyar keçid məntəqəsi vasitəsilə Rusiyaya gətirilib.
Azərbaycandan ərzaq yumurtası idxalı üçün Rusiya bazarının açılması barədə qərar 2023-cü ilin noyabrında "Rosselxoznadzor"un rəhbəri Sergey Dankvert ilə Azərbaycanın Qida Təhlükəsizliyi Agentliyinin sədri Qoşqar Təhməzlinin apardığı danışıqların nəticələrinə əsasən qəbul edilib.
Bu ilin yanvar ayında Türkiyədən ölkəyə 5,6 milyon ədəd yumurta idxal edilib,.
Eyni zamanda, Belarus Rusiyaya yumurtanın sabit tədarükçüsü olaraq qalır. Son dörd il ərzində Belarus Rusiya bazarına ildə orta hesabla 630 milyon ədəddən çox yeməli yumurta göndərib. 2024-cü ilin yanvar ayında respublika Rusiyaya 69 milyon ədəd yumurta tədarük edib ki, bu da ötən ilin eyni dövrü ilə müqayisədə (40,4 milyon ədəd) 1,7 dəfə çoxdur.
2024-cü ilin yanvar ayında Rusiya Belarus, Azərbaycan və Türkiyədən 78,9 milyon ədəd yumurta idxal edilib. (Marja)
