Bu gün Bakı vaxtı ilə saat 17:30-da dərc ediləcək ABŞ-ın əmək bazarına dair önəmli fundamental göstəricilər öncəsi, dünya valyuta birjalarında ticarət aktivliyi azalıb.
EUR/USD məzənnəsi 1.19$-ın üzərində dəstək görməkdədir, GBP/USD məzənnəsi isə cümə axşamı bahalaşdığı səviyyələrdə müqavimətlə rastlaşır. İnvestorların açıqlanacaq önəmli göstəricilər fonunda ehtiyatlı yanaşmaları, avro və funt üzrə trendlərin cari səviyyələrdə dayanmasına səbəb olur.
Bununla yanaşı, iqtisadçıların Amerikada məşğulluğun yenidən arta biləcəyini proqnozlaşdırması ilə yanaşı, son günlər "ADP" və işsizlik müavinətləri ilə bağlı fundamental göstəricilərin də müsbət yayımlanması da bazar iştirakçılar tərəfindən qiymətlərdə artıq nəzərə alınıb.
Əlvan metallar bazarlarında da qızılın qiyməti 1785$-a kimi ucuzlaşdıqdan sonra korreksiya etməkdədir. Lakin dəstək səviyyəsinin qırılması ilə bir unsiya üzrə ucuzlaşmanın davam edəcəyi ehtimal edilir.
Kriptovalyuta birjalarında isə avro, funt, yen və qızılın dollara nisbətən məzənnələrindən fərqli olaraq, dollar burada təzyiq altındadır. BTC/USD, XRP/USD və ETH/USD qiymətlərində bahalaşma müşahidə edilir. Bütün bazar üzrə əsas hərəkətverici qüvvə isə riplin 0.4940 və 0.5790 müqavimət səviyyələrini qırması olacaqdır.
Məlumat Azərbaycanın İnvestAZ İnvestisiya şirkətinin analitikləri tərəfindən hazırlanıb.
