Çinin iri telekommunikasiya şirkəti “Huawei” cari ilin yanvar-may aylarında 100 milyondan çox smartfon satıb.
ELƏCƏ DƏ BAX : Dünyada "Apple"nin satışları - AZALIB
FED.az xəbər verir ki, “Huawei” bu il 100 milyon smartfon satışı həddinə ötən illə müqayisədə 49 gün daha əvvəl çatıb.
Şirkətin mobil telefon istehsal xəttinin rəhbəri Xı Qan deyib ki, satışların çoxalması sürətli enerji yığa bilən, habelə gecə vaxtı daha yaxşı selfi çəkilişləri üçün süni zəka texnologiyasına əsaslanan ön kamera ilə təchiz olunmuş “Nova 5” seriyalı smartfonlara marağın artması ilə bağlıdır.
Qeyd edək ki, cari ilin ilk rübündə dünyada smartfon satışlarının nəticələrinə əsasən “Huawei” şirkəti ABŞ-ın “Apple” korporasiyasını geridə qoyaraq “Samsung”dan sonra ikinci olub.
