Lider mobil operator Azərbaycandan Ukrayna istiqamətində edilən zəngləri martın 2-nə qədər pulsuz təqdim edəcək
Ukrayna Rusiyanın itirdiyi texnikaların - SAYINI AÇIQLAYIB
FED.az xəbər verir ki, Ukraynada hərbi vəziyyətlə əlaqədar “Azercell Telekom” MMC hazırda orda olan Azərbaycan vətəndaşları, həmçinin vətəndaşlarımızın bu ölkədə yaşayan doğmaları ilə kəsintisiz rabitə əlaqəsini təmin etmək məqsədilə 2022-ci il 27 fevral - 2 mart tarixləri arasında Azərbaycandan Ukrayna istiqamətində edilən telefon zənglərini bütün “Azercell” abunəçiləri üçün ödənişsiz təqdim edəcək.
Ukrayna ordusu İrpin şəhərini - İŞĞALÇILARDAN GERİ ALIB
Ukrayna istiqamətində mobil rabitə xətlərində mümkün yüklənmə riskinin və pulsuz bağlantıdan sui-istifadə hallarının qarşısının alınması məqsədilə mobil operator öz abunəçilərdən qeyd edilən güzəştli zəngləri 3 dəqiqə civarında saxlamağı xahiş edir.
Xatırladaq ki, “Azercell” daha öncə Ukraynada olan abunəçilərinin balansına 50 AZN həcmində vəsait yükləmişdi.
“Azercell” hər zaman abunəçilərinin xidmətindədir: Çağrı mərkəzi (ümumi əlaqə nömrəsi *1111, fakturasız xətt abunəçiləri üçün (012) 490 49 49, fakturalı xətt abunəçiləri üçün (012) 490 52 52) və Online Dəstək xidməti 24 saat ərzində abunəçilər üçün açıqdır. Əlavə olaraq “Kabinetim” tətbiqi üzərindən də müraciət etmək mümkündür: https://www.azercell.com/az/personal/digital-solutions/kabinetim.html
