Azərbaycanda yanacağın satışı ilə bağlı heç bir məhdudiyyət qoyulmayıb.
FED.az xəbər verir ki, bu barədə Azərbaycan Dövlət Neft Şirkəti (SOCAR) məlumat yayıb.
Eləcə də bax: “SOCAR Petroleum”: “Yanacağın satışında məhdudiyyət yoxdur”
Bildirilib ki, SOCAR-ın Heydər Əliyev adına Neft Emalı Zavodu öz fəaliyyətini normal rejimdə davam etdirir: “Ölkəmizin enerji təhlükəsizliyi tam təmin olunub. Bütün istehlak edilən yanacaq növləri əhaliyə sərbəst şəkildə satılır. Bu istiqamətdə narahatlıq üçün heç bir əsas yoxdur. Əziz vətəndaşlarımızı təşviş yaradan şayiələrə yox, yalnız rəsmi məlumatlara inanmağa çağırırıq”,- açıqlamada qeyd edilib.
Qeyd edək ki, sosial şəbəkələrdə şəxsi avtomobillərə benzin satışının həyata keçirilməyəcəyi ilə bağlı məlumatlar yayılıb.
Bu gün səhər saatlarında SOCAR brendli yanacaqdoldurma məntəqəsi şəbəkəsini idarə edən, “SOCAR”ın törəmə şirkəti “SOCAR Petroleum” QSC-dən də heç bir məhdudiyyət olmadığı bildirilmişdi.
Report
