Bəşəriyyəti iqlim dəyişikliyinin təsirlərindən qorumaq üçün heyvan və bitki yağlarından imtina etmək və digər qida mənbələrinə müraciət etmək lazım gələ bilər. Məsələn, yağ hava yolu ilə istehsal oluna bilər və bu, San Xosedəki Savor startapının Bill Qeytsin maliyyə dəstəyi sayəsində mümkün olub.
Kərə yağlarının ən baha və ən ucuz satıldığı – MARKET ŞƏBƏKƏLƏRİ – SİYAHI, QİYMƏTLƏR (İyun,2024)
FED.az xəbər verir ki, startap ideyasının mahiyyəti son dərəcə sadədir - demək olar ki, bütün üzvi birləşmələri təşkil edən karbon və hidrogen yeni məhsullar yaratmaq üçün istifadə edilə bilər. Termokimyəvi proses vasitəsilə atmosferdən alınan su və CO2 yağ turşularına, sonra isə yağa çevrilir.
Bu texnologiyanın əsas üstünlüyü onun ekoloji cəhətdən təmizliyi və ətraf mühitin çirklənməsini azaltmaq qabiliyyətidir.
Yeni "yağ"ın molekulyar quruluşu ənənəvi yağ variantları ilə demək olar ki, eynidir, lakin çirklərin olmaması səbəbindən daha təmizdir. Qeytsin sözlərinə görə, bu məhsulun dadı da gözəldir. Xərcləri azaltmaq və əlçatanlığı artırmaq üçün bu məhsulun istehsalının genişləndirilməsi məsələsini həll etmək qalır.
