2024-cü ilin dekabr ayı üzrə Comex birjasında qızılın fyuçers qiyməti tarixi rekorda imza ataraq 3 250 ABŞ dollarını ötüb.

Dünən zirvədə idilər, bu gün yerə çırpıldılar! - SƏHMLƏR UCUZLAŞDI

FED.az xəbər verir ki, Nyu-York Əmtəə Birjasının tərkib hissəsi olan Comex-in məlumatına əsasən, Bakı vaxtı ilə saat 13:13-də qızılın bir unsiyasının qiyməti 0,44% artaraq 3 251,9 dollara çatıb. Lakin bir qədər sonra, saat 13:28-də qiymət artımı bir qədər səngiyib və qızıl 3 248,8 dollar səviyyəsində qərarlaşıb (+0,35%).

Beynəlxalq enerji bazarında da artım müşahidə olunur. Belə ki, 2025-ci ilin iyun ayı üzrə Brent markalı neftin fyuçers qiyməti 0,8% artaraq London ICE birjasında 63,91 dollar olub. ABŞ-ın WTI markalı neftinin isə may ayı üçün nəzərdə tutulan fyuçers qiyməti 1,47% artım göstərərək 60,67 dollara yüksəlib.

Qızıl qiymətlərindəki bu artım investorların təhlükəsiz liman axtarışında olmasının göstəricisi kimi dəyərləndirilir. Analitiklər hesab edirlər ki, geosiyasi qeyri-sabitlik və iqtisadi qeyri-müəyyənliklər fonunda investorlar daha sabit aktivlərə – xüsusən də qızıla – üstünlük verirlər. Neft qiymətlərindəki artım isə əsasən təkliflə bağlı gözləntilər və qlobal tələbatın bərpası ilə izah olunur.

Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.