Dünya fond bazarları bu dəfə qırmızı rəngə büründü. Texnologiya nəhənglərinin səhmlərində yaşanan kəskin ucuzlaşma investorları narahat edib. Bir çox iri şirkətlərin səhmləri gün ərzində əhəmiyyətli dərəcədə dəyər itirdi, bu isə bazarda ümumi pessimist ab-hava yaratdı.

Bitcoin 80 min dolların üzərindədir - AMMA AZALMA DAVAM EDİR!

FED.az xəbər verir ki, ən çox dəyər itirən şirkət Tesla oldu – onun səhmləri gün ərzində 7,27% ucuzlaşdı. Bu, siyahıda ən yüksək eniş göstəricisidir. Tesla-nı Meta Platforms (-6,74%) və NVIDIA (-5,91%) izlədi. Amazon.com və Apple da bu dalğadan yan keçə bilmədi – müvafiq olaraq -5,17% və -4,24% dəyər itkisi qeydə alındı. Həmçinin Alphabet (Google), Microsoft, Visa, Johnson & Johnson kimi böyük oyunçuların səhmlərində də azalma müşahidə edildi.

Siyahıda yeganə mülayim eniş Berkshire Hathaway-ə aiddir – səhmi cəmi -1,07% dəyişib və bu, ümumi fonla müqayisədə daha stabil performans sayılır.

Bu kəskin dəyişikliklər fond bazarının nə qədər həssas və sürətlə reaksiya verən bir struktur olduğunu bir daha ortaya qoyur. Texnologiya sektoruna bağlı olan indekslərdəki ümumi azalma isə qlobal iqtisadi gözləntilərin və risk faktorlarının yenidən nəzərdən keçirilməsinə səbəb ola bilər.

Hazırkı şəraitdə investorların ehtiyatlı davranması, qısamüddətli dalğalanmalara qarşı hazırlıqlı olması vacibdir. Əgər bu tendensiya davam etsə, yaxın günlərdə daha böyük enişlər və ya ani toparlanmalar yaşana bilər.

Daha detallı aşağıdakı cədvəldə :

Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.