“İnvestAZ Asset Management” MMC şirkəti 27 avqust 2013-cü ildə Qiymətli Kağızlar üzrə Dövlət Komitəsindən Qiymətli Kağızlar bazarında aktivlərin idarə olunması üzrə fəaliyyət ilə bağlı lisenziya almışdır. Lakin bu lisenziya ilə bağlı heç bir fəaliyyəti olmamışdır. Lisenziyanın müddəti 5 il olub və 2018-ci ildə bitmişdir. Şirkət fəaliyyətini dondurduğu üçün yenidən lisenziya üçün müraciət etməyib.
Birjada necə qazanırlar? - 2023-cü ildə investorlar üçün – «İNVESTAZ»DAN PROQNOZLAR
Bu barədə FED.az-a “İnvestAZ Asset Management” MMC-nin təsisçisi "İnvest-Az İnvestisiya Şirkəti" QSC-dən bildirilib.
Qeyd edilib ki, "İnvestisiya fondları haqqında" qanuna cari ildə ediləcək təkmilləşdirmə üzrə dəyişiklikdən sonra şirkət yenidən lisenziya üçün müraciət etməyi planlaşdırır.
“İnvestAZ İnvestisiya Şirkəti” Qapalı Səhmdar Cəmiyyəti ayrı hüquqi şəxsdir və investisiya xidmətləri üzrə müddətsiz lisenziyaya malikdir.
Mərkəzi Bankın saytında verilən məlumata görə, Azərbaycanda investisiya fondunun idarəçisi fəaliyyəti üzrə lisenziyaya malik şirkətlərin sayı 2-dən 1-ə düşüb. Hazırda İnvestisiya fondunun idarəçisi fəaliyyəti üzrə lisenziyaya malik yeganə şirkət "AzFinance Asset Management" MMC-dir.
Azərbaycan qanunvericiliyinə görə, “İnvestisiya fondu səhmdar və ya paylı investisiya fondu formasında yaradılan, vəsaitlərin cəlb edilib mənfəət əldə edilməsi məqsədi ilə investisiya bəyannaməsində nəzərdə tutulmuş qaydada yatırılması ilə məşğul olan maliyyə qurumudur. İnvestisiya fondunun idarəçisi müstəsna olaraq investisiya fondlarının idarə edilməsi fəaliyyəti ilə məşğul olan və bu fəaliyyət növü üzrə lisenziyaya malik hüquqi şəxsdir. İnvestisiya fondunun idarəçisi investisiya fondunu səhmdar investisiya fondu və ya pay sahibləri ilə bağlanılmış idarəetmə müqaviləsi əsasında səhmdarların və ya pay sahiblərinin maraqlarına uyğun olaraq idarə edir.
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür
