Rabitəbank müştərilərinə daha əlçatan və sərfəli maliyyə həlləri təqdim etmək məqsədilə ilk dəfə bankdan nağd pul krediti rəsmiləşdirən şəxslər üçün yeni kampaniyaya başlayıb.
Belə ki, ilk dəfə Rabitəbankdan nağd pul krediti götürən müştərilər 50 000 AZN-dək məbləğdə krediti 59 ayadək müddətə, 0%-dən başlayan komissiya ilə rəsmiləşdirə bilərlər.
FED.az xəbər verir ki, 31 avqust 2026-cı il tarixinədək davam edəcək Kampaniya müştərilərin müxtəlif maliyyə ehtiyaclarını daha çevik və rahat şəkildə qarşılamaqla yanaşı, kredit xidmətlərindən daha sərfəli şərtlərlə yararlanmasına imkan yaradır. Müştərilər kampaniyadan yararlanmaq üçün Rabitəbankın istənilən filialına müraciət edə və ya onlayn qaydada kredit sifarişi verə bilərlər.
Rabitəbank müştəri təcrübəsinin davamlı inkişafını və maliyyə xidmətlərinin əlçatanlığını strateji prioritetlərindən biri kimi müəyyənləşdirib. Bu istiqamətdə həyata keçirilən yeni kampaniya da ilk dəfə bankın kredit məhsullarından istifadə edən müştərilər üçün əlavə üstünlüklər təqdim etməklə yanaşı, onların maliyyə xidmətlərinə daha rahat çıxışını təmin edir.
Bank innovativ yanaşmaları və çevik məhsul həlləri ilə fərqli müştəri seqmentlərinin ehtiyaclarına uyğun kampaniyalar həyata keçirməyə davam edir. Məqsəd hər bir müştərinin maliyyə planlarını daha rahat reallaşdırmasına dəstək olmaq və bankçılıq xidmətlərini daha əlçatan etməkdir.
Məlumat üçün bildirək ki, “Rabitəbank” ASC 1993-cü ildən etibarən fəaliyyət göstərir və “Rahat bankçılıq” konsepsiyası əsasında müştərilərinə müasir və əlçatan maliyyə xidmətləri təqdim edir. Bankın nizamnamə kapitalı 101,3 milyon manatdır. Ölkə üzrə geniş filial şəbəkəsi, rəqəmsal bankçılıq həlləri və peşəkar komandası ilə Rabitəbank müştərilərinə dəyər yaradan xidmətlər təqdim etməyə davam edir. Bankın əsas səhmdarları “Azərbaycan Banklar Assosiasiyası”nın prezidenti Nuriyev Zakir Əlibala oğlu və iş adamı, sahibkar Əliyev Rauf Zeynal oğludur.
Hal-hazırda “Rabitəbank” ASC 19 region və Bakı şəhəri üzrə ümumilikdə 31 xidmət məntəqəsi, 78 ATM-i, “Rabita Mobile”, “Rabita Junior” və “Rabita Business” tətbiqləri, İnternet Bankçılıq platforması və 133 nömrəli Çağrı Mərkəzi ilə öz müştərilərinə ən müasir standartlar səviyyəsində geniş spektrli bank xidmətləri təqdim edir.
