FED.az Mərkəzi Bankın (MB) açıqladığı məlumata əsasən xəbər verir ki, ölkə üzrə yerləşdirilən 8 mlrd 140 mln 41 min manatın orta faiz dərəcəsi 3,9% təşkil edib.Bundan əlavə bu məbləğin 2 mlrd 968 mln 142 mini (36,46%) orta faiz dərəcəsi 7,2% olmaqla milli valyutada, qalan 5 mlrd 171 mln 899 min manatı (63,54%) orta faiz dərəcəsi 2% olmaqla xarici valyutada yerləşdirilib.
Eləcə də bax: Xaricilərin Azərbaycan banklarında əmanətləri 13% artıb
İqtisadi rayonlar üzrə baxsaq ən çox əmanət yerləşdirlməsi Bakı şəhəri üzrə olub. Bakı şəhəri üzrə yerləşdirilən əmanətlərin məbləği 7 mlrd 486 mln 63 min manat və orta faiz dərəcəsi 3,8% təşkil edib. Bakı şəhəri üzrə yerləşdirilən əmanətlərin ümumi məbləğdə payı 91,97% təşkil edir.
Bundan əlavə Bakı şəhəri üzrə yerləşdirilən əmanətlərin 69,08%-i xarici valyutada yerləşdirilib. Digər iqtisadi rayonlarda bunun əksi olaraq əmanətlərin böyük bir hissəsi milli valyutada yerləşdirilib.
Eləcə də bax: 192 min iş yeri hansı rayonlarda açılıb? - MƏLUM OLDU - RƏQƏMLƏR, SİYAHI
İqtisadi rayonlar üzrə ən az əmanət yerləşdirən rayon Yuxarı Qarabağ (11 347,3) olub. Əgər işğal altında olan iqtisadi rayonu nəzərə almasaq bu zaman əhalisi ən az əmanət yerləşdirən iqtisadi rayon Dağlıq Şirvan (15 745,7) olub.
Orta faiz dərəcəsi ən aşağı olan iqtisadi rayon Yuxarı Qarabağ iqtisadi rayonunu nəzərə almasaq Şəki-Zaqatala (3,4) iqtisadi rayonu olub. Ən yüksək orta faiz dərəcəsi Abşeron (6,0%) iqtisadi rayonunda olub.
Digər iqtisadi rayonlar üzrə isə göstərici aşağdakı kimi olub:
| İqtisadi Rayonlar | Cəm (min manat) | Orta % dərəcəsi | Milli valyuta | Xarici valyuta |
| Bakı şəhəri | 7 486 063,3 | 3,8 | 2 968 142,3 | 5 171 899,2 |
| Abşeron | 186 310,1 | 6,0 | 123 963,3 | 62 346,8 |
| Gəncə-Qazax | 138 226,9 | 5,4 | 104 391,8 | 33 835,1 |
| Aran | 123 082,8 | 3,8 | 104 611,4 | 18 471,4 |
| Quba-Xaçmaz | 50 571,8 | 6,2 | 40 752,6 | 9 819,2 |
| Lənkəran | 49 861 | 5,6 | 41 718,8 | 8 142,2 |
| Şəki-Zaqatala | 41 128 | 3,4 | 33 208,4 | 7 919,6 |
| Naxçıvan | 37 704,6 | 1,8 | 25 158,6 | 12 546 |
| Dağlıq Şirvan | 15 745,7 | 5,0 | 12 217,8 | 3 527,9 |
| Yuxarı Qarabağ | 11 347,3 | 3,2 | 10 805,8 | 12 546 |
