Azərbaycanda bir sıra dövlət qurumlarının balansında olan nəqliyyat vasitələri satışa çıxarılır.

• Sumqayıtda 1242 mənzilli yarımçıq tikili hərraca çıxarılır - QİYMƏTLƏR

FED.az biznes və maliyyə xəbərləri portalı xəbər verir ki, hərrac 5 may 2026-cı il tarixində saat 10:00-da keçiriləcək.

Məlumata görə, hərraca müxtəlif qurumlara məxsus minik, yük və avtobus tipli nəqliyyat vasitələri çıxarılır. Siyahıda Azərbaycan Respublikasının Əmək və Əhalinin Sosial Müdafiəsi Nazirliyi, Azərbaycan Respublikasının Müdafiə Nazirliyi, Azərbaycan Respublikasının Səhiyyə Nazirliyi, eləcə də digər dövlət qurumlarının balansında olan avtomobillər yer alıb.

Hərraca çıxarılan nəqliyyat vasitələri arasında “Chevrolet Niva”, “Toyota Camry”, “Kia Sportage”, “Volvo S80”, “VAZ” modelləri, həmçinin müxtəlif illərə aid QAZ və ISUZU markalı yük avtomobilləri və avtobuslar mövcuddur.

Nəqliyyat vasitələrinin start qiymətləri 1 600 manatdan başlayaraq 29 250 manata qədər dəyişir. Hərracda iştirak etmək üçün tələb olunan beh məbləği isə müvafiq olaraq 160 manatdan 2 925 manata qədər təşkil edir.

Hərraca çıxarılan bəzi nəqliyyat vasitələri paket şəklində təqdim olunur və eyni start qiyməti ilə satışa çıxarılır. İştirak etmək istəyən şəxslər müəyyən olunmuş qaydada sənədlərini təqdim etməli və ilkin beh məbləğini ödəməlidirlər.

1-2-ci sətirdə olan nəqliyyat vasitələri 2-ci dəfə təkrar hərraca çıxarılır. 3-6-cı sətirdə olan nəqliyyat vasitələri 5 dəfədən çox olmaqla 50% endirimlə təkrar hərraca çıxarılır. 7-9-cu sətirdə olan nəqliyyat vasitələrinin satışı üzrə keçirilən hərracın nəticəsi ləğv edildiyindən nəqliyyat vasitələri 2-ci dəfə təkrar hərraca çıxarılır.

Hərrac günü sifarişçilərin hərrac zalına daxil olmaq üçün qeydiyyatı saat 09:45-dək aparılır.

Məlumatın dərc olunduğu gündən hərracda iştirak etmək istəyən şəxslərə satışa çıxarılan əmlak ilə qabaqcadan tanış olmaq imkanı balanssaxlayıcı təşkilat tərəfindən yaradılır.
Hərracda iştirak etmə qaydaları və nəqliyyat vasitələri haqqında məlumat əldə etmək üçün telefon: 311-01-60; (Daxili: 1758, 1709, 1706 və 1705)

Sifarişlər Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidməti Əmlak Xidmətləri Məkanında (Bakı şəhəri, Nizami rayonu, Xəlil Rza Ulutürk küçəsi 20) hərracın keçirilməsinə ən gec 3 (üç) bank günü qalanadək qəbul olunacaqdır: Nəqliyyat vasitələri barədə ətraflı məlumatı auksion.gov.az saytından almaq olar. Hərracda iştirak etmək üçün (elektron sifariş verənlər istisna olaraq) hərracın keçirilməsinə ən azı 3 bank günü qalanadək aşağıdakı sənədlər təqdim olunmalıdır:
1. Sifarişçinin şəxsiyyətini təsdiq edən sənəd (Hüquqi şəxslər üçün:notarial qaydada təsdiq olunmuş qeydiyyat şəhadətnaməsi, nizamnaməsi və VÖEN)
2. Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidməti tərəfindən müəyyən edilmiş hesaba behin köçürülməsini təsdiq edən sənəd. (10% məbləğində beh Mərkəzi Bankda – AZ65NABZ01361150000000004944 nömrəli hesablaşma hesabına ödənilməlidir)