Aqrar

Yumurtanın da tarixini dəyişirlər - "YERLİ YUMURTA" XƏBƏRDARLIĞI

Yumurtanın da tarixini dəyişirlər - "YERLİ YUMURTA" XƏBƏRDARLIĞI | FED.az
16:41 13 Mart 2019

Qida Təhlükəsizliyi Agentliyi Azərbaycanda yumurta istehsalı və ya xaricdən yumurta idxal edən şəxslərə xəbərdarlıq edib. Agentlikdən FED.az-a verilən məlumata görə, aparılan monitorinqlər zamanı bəzi sahibkarların idxal olunan və ölkədə istehsal olunan yumurtaların qutuları üzərindəki istehsal tarixlərini dəyişdirməsi halları aşkar olunub. 

Eyni zamanda məlum olub ki, bəzi sahibkarlar xaricdən idxal olunan yumurtaları yerli müəssisələrin qutularına yerləşdirilərək “yerli yumurta” adı altında satışa çıxarır.

Aşkar olunan faktlarla bağlı qanunvericiliyin tələblərinə uyğun tədbirlər görülüb.

Agentlik bu sahədə fəaliyyət göstərən sahibkarlıq subyektlərinin diqqətinə çatdırır ki, bu kimi qanunazidd əməllər yolverilməzdir və belə şəxslər haqqında qanunvericilik çərçivəsində ən sərt tərbirlər həyata keçiriləcək.

Vətəndaşlardan satış şəbəkələrində belə hallarla rastlaşdıqda konkret faktlarla Agentliyin “1003” Çağrı Mərkəzinə zəng edib məlumat vermələri xahiş olunur.

Digər xəbərlər

Banner