İspaniyanın "Real Madrid" klubunun futbolçusu Kriştianu Ronaldunun təyyarəsi qəzaya uğrayıb. Sport.es-in verdiyi məlumata görə, hadisə "Gulfstream G200" markalı təyyərə Barselonanın "El Prat" hava limanına enərkən baş verib.

Hava gəmisinə nəzərəçarpacaq zərər dəyib. Baş verənlərə şassinin lazımi səviyyədə işləməməsi səbəb olub. Göyərtədə olan sərnişinlər xəsarət almayıblar. Hadisə vaxtı Ronaldunun özü təyyarədə olmayıb.