Regionlar

Büdcədən rayonlara ayrılan – Məbləğlər də dəyişdi - SİYAHI, MƏBLƏĞLƏR

Büdcədən rayonlara ayrılan – Məbləğlər də dəyişdi - SİYAHI, MƏBLƏĞLƏR | FED.az
13:42 5 Avq 2020

 

Azərbaycanda 2020-ci ilin dövlət büdcəsinə edilən dəyişikliklər çərçivəsində mərkəzləşdirilmiş büdcədən rayon şəhərlərə ayrılan vəsaitlərin məbləğinə də dəyişiklik edilib. 

FED.az xəbər verir ki, 2020-ci ilin dövlət büdcəsində 25 rayona ümumilikdə 52 milyon 554 min manat vəsait ayrılması nəzərdə tutulurdu. Dəyişiklik nəticəsində bu məbləğ 50 milyon 335 min manata endirilib. Rayonların 15-ə ayrılan pullar azaldılıb, 10 rayona ayrılan məbləğ isə artırılıb.  

Məbləğ ifadəsində ən böyük azalma Ağdam rayonuna ayrılan vəsatilərdədir – Ağdama büdcədən ayrılan vəsait 600 min manat azaldılaraq 5 milyon manatdan 4,4 milyon manata endirilib. 

Goranboya ayrılan vəsait 567 min manat, Qax 431 min manat, Zaqatala 408 min manat azaldılıb. 

Faiz ifadəsində ən böyük azalma Ağstafa və Qobustanda olub – 23% və 20%. 

10 rayona isə büdcədən ayrılan vəsait artırılıb. Burada ən çox qabağa düşən Yardımlı rayonu olub – rayona ayrılan vəsait 394 mni manat və ya 20% artırılıb. 

Gədəbəyə ayrılan vəsait 303 min manat (29%), Oğuz rayonuna ayrılan vəsaitlər isə 223 min manat və ya 10% artırılıb. 

2020-ci il dövlət büdcəsinə dəyişiklik səbəbindən büdcədən ayrılan vəsaitlərin artıb-azaldığı rayonlar aşağıdakılardır. 

Digər xəbərlər