Qarabağda həyata keçirilən bərpa yenidənqurma işləri davam edir.
Eləcə də bax: Bayram Səfərov: “Şuşaya ilk olaraq qəzalı binalarda yaşayanlar köçürüləcək”
FED.az xəbər verir ki, bu barədə Azərbaycan Respublikası Prezidentinin Qarabağ İqtisadi rayonu üzrə xüsusi nümayəndəsi Emin Hüseynov bildirib.
O qeyd edib ki, artıq bir sıra layihələr yekunlaşma mərhələsindədir.
"Bundan sonra işlərimiz daha da sürətlənəcək. Hesab edirəm ki, artıq Ağdam şəhərinin mərkəzində bərpa yenidənqurma işlərinə başlayacağıq. Bundan əlavə həm Ağdam rayonunda, həm də Füzuli rayonunda kəndlərin bərpasına başlanılır. Artıq Talış kəndində də bu işlərə başlanılıb. Yaxın günlərdə Xocavənd rayonunda da bərpa yenidənqurma işlərinə başlanılacaq. Bütün bu tədbirlər sistemli şəkildə, qrafikə uyğun olaraq həyata keçirilir", - deyə E.Hüseynov bildirib. (Trend)
