Bakı Fond Birjası (BFB) birjada ticarət olunan bazarlar üzrə birja üzvlərinin dövriyyəsini açıqlayıb. FED.az xəbər verir ki, 2018-ci il yanvar-sentyabr aylarını əhatə edən hesabata görə, bütün alətləri əhatə edən cəmi əməliyyatların həcminə görə, ilk yeri «Paşa kapital» tutur. Şirkət buna əsasən dövlət istiqrazları ilə əməliyatların həcminə görə nail olub. Belə ki, «Paşa kapital»ın 6,2 milyard manatıq əməliyyatının 5,6 milyard manatı dövlət istiqrazlarının payına düşür.
 
Bundan başqa, səhm və korporativ istiqrazlarla əməliyatların həcminə görə də şirkət irəlidədir. Əməliyyatların həcminə görə sonrakı yerləri tutan «Unicapital» (3,96 milyard manat) və «İnvest-Az» şirkətləri (3,53 milyard manat) buna törəmə maliyyə alətləri (Forex bazarının hesabına nail olublar. Belə ki, adə çəkilən şirkətlərin dövriyyəsinin 3,29 milyard manatını Forex əməliyyatları təşkil edir. Dövriyyəsi 3,57 milyard manat olan "AzFinance" investisiya şirkətinin əməliyatlarının böyük hissəsini dövlət istiqrazları (2,53 milyard manat) və repo əməliyyatları 837 milyon manat tutur.
 
Ölkənin aparıcı investisiya şirkətlərindən biri, SOCAR İstiqarzlarının marketmeykeri olan «PSG kapital» şirkətinin dövriyyəsi isə 424 milyon manat təşkil edir. Dövriyyənin əsas hissəsini korporativ istiqrazlar (231 milyon manat) və dövlət istiqrazları (158,3 milyon manat).
«Xalq Kapital» investiçiya şirkətinin isə dövriyyəsi 1,42 milyard manat təşkil edib, bunun 1,33 milyard manatı dövlət istiqrazlarının payına düşüb.