Varlılarla yoxsullar arasındakı 10 fərq:
1. Kasıb insanlar elə düşünürlər ki, varlı olmaq üçün formal da olsa təhsil vacibdir. Zəngin insanlar isə daha varlı olmaq üçün xüsusi biliklərin əldə edilməsini zəruri sayırlar.
2. Kasıb insanlar pula emosiya ilə baxırlar. Varlı insanlar isə pul haqqında məntiqi düşünürlər.
3. Kasıblar qənaət etmək, zənginlər daha da varlanmaq haqqında fikirləşirlər.
4. Kasıb insanlar pul xərcləməkdə risk etmirlər, zənginlər isə pul xərcləməyin nə vaxt riskli olduğunu dəqiq bilirlər.
5. Kasıblar elə düşünür ki, bütün nadanlıqların səbəbi puldur. Varlılar isə əksinə olaraq belə düşünürlər ki, dünyanın bütün nadanlıqları yoxsulluqdan irəli gəlir.
6. Kasıbların fikrincə pulla sağlamlığın heç bir əlaqəsi yoxdur. Varlıların qənaətinə görə isə pul insanın həyatını xilas etməyə qadirdi.
7. Kasıb insanlar əksər hallarda öz varlanmaqlarını lotereya biletinin uduşunda görürlər. Zənginlər isə varlanmaq üçün yeni ideyalar axtarır, daima hərəkətdə olurlar.
8. Kasıblar keçmişdə yaşadıqları xoş günləri tez-tez xatırlayırlar, varlılar isə gələcək haqqında yeni planlar qururlar.
9. Kasıblar öz övladlarına yaşamağın, zənginlər isə varlanmağın sirrlərini öyrədirlər.
10. Kasıblar düşünürlər ki, varlanmaq üçün nə isə etmək lazımdır. Varlılar isə bu “nə isə”nin nə olduğunu daha yaxşı bilirlər.
Hər halda bunlar sosioloqların ümumi qənaətidir. O ki qaldı düşünməyə, çox yəqin ki, varlı olub kasıb kimi düşünmək, yaxud əksinə, kasıb olub varlı kimi düşünmək mümkünsüz bir məsələdir.
